O MAGOSTO

CELEBRAMOS O MAGOSTO CON CASTAÑAS COCIDAS.....

 

E CON FLAN DE CASTAÑAS!!!!!

O QUE FIXEMOS COAS CASTAÑAS

Estivemos pelando as castañas para preparar o noso magosto

Algunhas teñen becho!!!

 Son grandeiras!!!

e así de limpiñas quedaron para cocelas e facer un flan!!!!!!!!

                          

O 31 DE OUTUBRO E 0 1 DE NOVEMBRO

No Centro de día estivemos a falar destas datas...

Uns lembrabamos facer cabazas para poñelas nas encrucilladas enriba dos muros e meter medo á xente, outras falamos do medo que nos deu a primeira vez que     nos atopamos unha enriba dun muro :"Aih!!!Eu vin alí unha cousa que tiña uns ollos grandes e brillaban coma se fosen lucecús...co medo botei a correr polo camiño ", outros de ir o cementerio a acompañar á familia...

Algunhas dicíamos que "o baleirado ben valía para facer unhas chulas!!!

Vacíamolas todas!!!!!

 Estivemos falando do Samaín e do significado das cabazas por estas datas...E como non podía ser doutro xeito, decoramos algunhas!!!!

Os antigos poboadores facianas para afastar dos seus castros as perigosas ánimas defuntas e errantes adoitaban poñer no alto das muradas, ou encastradas nas paredes, as caveiras iluminadas dos inimigos mortos en campaña. De aquí, dos ritos e crenzas célticas ao redor da caveira, vén a tradición europea de facer caliveras na cortiza dos melóns, ou cabazos , ou calabazotes.

COMO NOS GUSTA O TAI CHI

Probamos a facer Tai Chi e que ben o pasamos!!!

O que comentamos foi que durmimos mellor ese día, nos sentimos máis relaxados, pensamos que é algo bó para os músculos e todos/as coincidimos en que queremos repetir...

RECORDANDO BOS MOMENTOS

OS MAIOS

Entre todos/as xuntamos moitas flores, pampullo, fiuncho, etc.

Nestes momentos estabamos confeccionando e adornando o noso maio...

E o celebramos como máis nos gusta cantando as coplas creadas por nós e outras que están na nosa memoria: 

Maio, maiño 

ponte de puntillas 

a ver se gañamos 

para unhas zapatillas 

O OUTONO XA CHEGOU

Neste outono no Centro de día Arela comezamos coa creación deste blog para compartir as actividades e momentos que vivimos no Centro de día...

Neste momento estamos coa preparación dun Magosto onde entre todos/as faremos algúns postres elaborados con castañas para compartir con aquelas persoas convidadas que se queiran achegar e será amenizado con cancións creadas por nós e outras coñecidas como: 

 

NON CHAS QUERO

Non chas quero, non chas quero castañas do teu magosto

non chas quero, non chas quero que me cheiran a chamosco ( BIS )

Ailalelo.......

Alá ven o gaiteiro.....

Vente vindo, vente vindo que eu xa me voy andando

fixen a cama con follas o vento vainas levando ( Bis)

Ailalelo....

Alá ven o gaiteiro....

Indo polo souto abaixo descubrín un ouriciño

hai que tres castañas levo do souto do meu veciño ( Bis)

Ailalelo....

Ala ven o gaiteiro....

O MAGOSTO DE ARELA

 

Temos un que é de Cabeiro

que nos trouxo as mellores

non eran de Cabeiro

que eran do Vixiadore

A Rosa apañou castañas

na Peneda e no Viso

que sorte que ela tivo

que todas están saniñas

En Arela todos xuntos

estivemos cociñando

fixemos un postre rico

e todos participamos

Nos somos Arela...

O CENTRO DE DÍA ARELA abriu a súas portas no ano 2006 tendo como principal obxectivo lograr a través da actividade psico-funcional, a readquisición dunha maior funcionalidade e unha mellor capacidade cognitiva, que aumente a autonomía e independencia dos nosos maiores, para obter unha mellor calidade de vida e benestar social e individual, o que redundará en mellorar o seu estado de saúde.